-कुसुमाग्रज
आडवाटेला दूर एक माळ
तरू त्यावरती एकला विशाळ
आणि त्याच्या बिलगूनिया पदास
जीर्ण पाचोळा पडे तो उदास
उषा येवो शिंपित जीवनासी
निशा काळोखी दडवू द्या जगासी
सूर्य गगनातूनी ओतू द्या निखारा
मूक सारे हे साहतो बिचारा
तरूवरची हसतात त्यास पाने
हसे मूठभर ते गवतही मजेने
वाटसरू वाट तुडवीत त्यास जात
परी पाचोळा दिसे नित्य शांत
आणि अंती दिन एक त्या वनांत
येई धावत चौफेर क्षुब्ध वात
दिसे पाचोळा घेरूनी तयाते
नेई उडवुनी त्या दूर दूर कोठे
आणि जागा हो मोकळी तळाशी
पुन्हा पडल्या वरतून पर्ण राशी
18. दीवार में एक आला रहता था
-
बचपन के उन दिनों में अक्सर मेरे पाँव मुझसे अनुमति लिए बगैर शहर से बाहर किसी
खँडहर की ओर मुड़ जाते थे ৷ मैं अपने अकेलेपन में अपने भीतर भटकता हुआ पाँवों
से...
2 वर्ष पहले
0 टिप्पणियाँ:
एक टिप्पणी भेजें